Barcelona me “dush” i ka dëbuar interistët nga fusha e gjelbër

Barcelonë, 29 prill - Futbollistët dhe udhëheqësia e Barcelonës, nuk janë treguar humbës të mirë gjatë mbrëmjes së të mërkurës, kur Interi i diskualifikoi nga gjysmëfinalja e Ligës së kampionëve. Përderisa portieri i katalonasve Victor Valdes, e ndiqte nëpër fushë të gjelbër trajnerin Jose Mourinho, i cili kalimin në finale dëshironte ta festojë me tifozët e vet, pjesën tjetër në Camp Nou janë munduar ta dëbojnë me spërkatës të ujit. Vetëm disa sekonda pas përfundimit të ndeshjes, të gjithë 52 spërkatësit e ujit kanë filluar të punojnë me intensitet të plotë duke e ujitur fushën e gjelbër, por edhe të gjithë ata që janë gjendur përreth. Qëllimi i kyçjes së spërkatësve ka qenë që festa e futbollistëve të Interit të përfundojë sa më herët, por kjo nuk i ka penguar futbollistët e Interit, shumica prej të cilëve kanë “vallëzuar” nëpër shi, ndërsa të tjerët janë shtrirë në barin e lagur dhe janë kënaqur në suksesin e madh