Bileta për Real-Barcelona arrin deri 1500 euro

Madrid, 10 prill – Shitësit e biletave për ndeshjen e sontme “El Clasico” ndërmjet Real Madridit dhe Barcelonës shpresojnë të fitojnë shumë para. Të premten dhe të shtunën çmimi i një bilete hyrëse ka lëvizur nga 600 deri në 1000 euro, shkruajnë mediat spanjolle. Gjithashtu, vlerësohet se ndeshjen e sontme që do të zhvillohet nga ora 22:00 biletat do të arrijnë deri në 1500 euro. Përveç rrugëve të Madridit, bileta janë mundur të blihen edhe nëpërmjet internetit. Më së shumti bileta kanë blerë një numër i madh i turistëve të huaj të cilat kanë ardhur enkas për ta shikuar këtë ndeshje të madhe. Biletat i kanë shitur në të zezë edhe një numër i madh i tifozëve të Real Madridit, të cilët kanë bileta sezonale. Medijat kanë paralajmëruar se rreth 200 tifozë të Barcelonës do të udhëtojnë për këtë takim. Ndeshja do të përcillet në mbi 100 shtete, kurse në Spanjë pritet të arrijë rekordin e rreth 20 milionë shikuesve.