Ne internet paraqitet SP1 per Windows 7

Siç ndodh zakonisht, shumë kohë para paraqitjes zyrtare në rrjetet torrente janë paraqitur versionet e para të shtojcës Service Pack 1 për sistemin operativ Windows 7.
Siç thekson faqja e internetit GeekSMACK, në faqet torrente është shfaqur versioni i parë i shtojcës SP1 për Windows 7. Shenja e plotë dalluese e shtojcës është 6.1.7601.16537.amd64fre.win7.100327-0053. Instalimi i shtojcës gjoja është jashtëzakonisht i shpejt, mirëpo nuk janë bërë të njohura detajet e sakta të përmirësimeve dhe risive që ky instalim sjell.

Gjatë mesit të muajit mars Microsoft kishte folur për shtojcën e vet, por detajet e saj ishin shumë të mangëta. E vetmja gjë që ishte theksuar ishte se nuk do të bëhej fjalë për ndryshime qenësore.

Sipas të dhënave të Microsoftit, deri më tani janë shitur mbi 90 milionë licenca të sistemit operativ Windows 7, që e bën atë sistemin e shitur më së shpejti të kësaj kompanie ndonjëherë.

Versioni zyrtar eksperimental i shtojcës Service Pack 1 për Windows 7 do të duhej të paraqitej gjatë muajit qershor, derisa versioni përfundimtar në shtator të këtij viti.