Unikkatil do t'i jap fund karrierës si reper?

Viktor Palokaj i njohur si Unikkatil, qe cilesohet si një nga reperët shqiptarë më të mirë të të gjitha kohërave, është fare pranë lansimit të albumit të tij të ri.

Pas suksesit me albumin e parë “Kanuni i Katilit” i realizuar shumë vite më parë, tani ‘Mbreti’ duket se ka vendosur që të rikthehet fuqishëm në skenën e repit shqiptar, me një album edhe më të fuqishëm se “Kanuni i Katilit”, gjithnjë sipas producentit dhe reperit DMK.
DMK nuk dha detaje tjera duke përfshirë dhe titullin e albumit, pasi që sipas tij këto do të dihen shumë shpejtë, ben te ditur Telegrafi.

Se ky album do të jetë i zjarrtë, e vërtetojnë spekulimet, sipas të cilave albumi do të titullohet “Fryma e Mram”, që do të jetë dhe albumi i fundit dhe që do ta shënojë fundin e karrierës së bujshme të Unikkatil si reper, për t’iu kthyer jetës normale.