Padi kundër Google

Shoqata amerikane e fotografëve, ilustratorëve dhe artistëve vizualë ka ngritur padi kundër Google për shkak të skanimit dhe publikimit ilegal të veprave të tyre pa paguar dëmshpërblimet
Padia është ngritur nga shoqata American Society of Media Photographers dhe të tjerëve të cilët nuk mundën të jenë pjesë e marrëveshjes me Google e cila kapte vlerën e 125 milionë dollarëve lidhur me padinë grupore (class-action) për shkak të librave të digjitalizuar. Në padi kërkohet dëmshpërblimi i fotografëve dhe ilustratorëve punimet e të cilëve ndodhen në librat e mbuluar nga kjo marrëveshje me Google. Por gjykatësi i qarkut Denny Chin, i cili është përgjegjës për të dy paditë, akoma nuk ka sjellë vendimin përfundimtar.
Sipas fotografëve dhe ilustratorëve, Google shkeli të drejtat e tyre autoriale duke publikuar pa autorizim veprat e tyre në publikuara në libra dhe revista. Me këtë u shkaktohet dëm direkt autorëve të cilëve u prishet edhe reputacioni dhe veprat e tyre shiten më vështirë pastaj. Sipas tyre Google ka skenuar më shumë se 12 milionë libra, prandaj kërkohet që të ndërprehet shkelja e mëtejme e të drejtave të tyre dhe t'u paguhet dëmshpërblimi adekuat, i cili sipas tyre do të mund të arrinte në disa dhjetëra mijëra dollarë.