Roberto Carlos: Nuk e fshehi, dua Botërorin në Afrikë

Rio de Janeiro, 12 prill - Me fanellën e Brazilit, Roberto Carlos ka luajtur 131 ndeshje. Së fundmi ka luajtur në vitin 2006, kurse në Gjermani ka luajtur vetëm futboll klubesh, kurse aktualisht është 37 vjeçar dhe luan për Corinthians. “Nga gjithsej 16 vite, sa kam luajtur për Kombëtaren, në 12 prej tyre kam qenë shumë i suksesshëm. Kurse sot nuk është lehtë të gjej një mbrojtës të majtë të mirë. Shumica e futbollistëve të cilët luajnë me të majtën kanë dëshirë të luajnë në mesfushë ose si anësor”, tha Carlso duke mos fshehur ambiciet. “Nëse më vjen një ftesë, do të bëj një salto nga kënaqësia. Tani nuk dua të imponohem, kam 37 vjet dhe gjatë kthimit në Brazilim nuk kam menduar të kthehem edhe në Kombëtare. Do të punoj intensivisht në Corinthias dhe do ta detyroj Dungën që të mendoj për mua”, tha Roberto Carlos. Nga 17 ndeshje në Kampionat Botëror, Carlos kishte arritur 13 fitore dhe 3 humbje.