Ferrari lancon modelin 599 GTO

Ferrari 599 GTO do të jetë modeli më i shpejtë për rrugë në ofertë, madje më i shpejt edhe se modeli legjendar Enzo. Automjeti më i fuqishëm komercial Fiorano është i pajisur me motorin V12 të modifikuar gjashtë-litërsh i cili zhvillon 670 kuaj fuqi me 8.250 o/min dhe 620 Nm me 6.500 o/min. Ani pse është për 50 KF më i fuqishëm se versioni në modelin standard Fiorano, motori i ri shpenzon dhe emeton më pak – 17.5 litra karburant në njëqind kilometra dhe 411 gramë CO2 për kilometër.
Ferrari pohon se falë marshit vazhdues prej gjashtë shpejtësish 599 GTO prej zero deri në 100 kilometra në orë arrin për 3.35 sekonda dhe përshpejton deri në 335 km/h maksimalisht. E dhënë shumë më e rëndësishme se kjo është se automjeti ka tejkaluar stazën testuese të cilën e ka bërë Fiorano për vetëm 1.24 minuta, respektivisht një sekondë të plotë më shpejt se Enzo që e bën edhe automjetin më të shpejt komercial të Ferrarit.

Gjërat tjera në krahasim me Fioranon standarde kanë të bëjnë me përpunimin e kujdesshëm të materialeve kompozite të cilat masën e automjetin e kanë lëshuar në 1.495 kilogramë, janë integruar amortizatorë dhe stabilizatorë të ri, së bashku me aerodinamikën e avancuar e cila kujdeset që ai të mos fluturojë, ka fituar edhe kompletin e frenave të qeramikës me 599XX të cilat nga 100 km/h e ndalin këtë model për vetëm 32.5 metra.

Ferrari 599 GTO do të prodhohet vetëm në 599 njësi dhe do t’u shitet vetëm klientëve të përzgjedhur me çmimin e pritur prej 267.000 eurosh.