Vera e ngarkuar për Bleron

Për këngëtarin Blero duket se stina e verës do të jetë mjaft e bukur, pasi përveç që pret të bëhet baba, ai do të promovojë edhe albumin me 12 këngë të reja dhe dy tjera të dëgjuara deri më tash.

Blero do të ketë edhe disa klipe që do të përcjellin këngët e reja. Blero ka thënë për Kosovapress se është në përfundim të punës së tij rreth albumit të ri dhe pas një muaji pret të realizoj edhe një klip të një kënge të re.

Videoklipe të reja

Këngëtari bëri të ditur se 14 këngët e albumit janë të punuara nga produksioni “EnterMedia”, kurse klipin e një këngë të albumit do të bëjë në muajin qershor. Ndërkaq, një klip tjetër do të punohet në fund të muajit korrik në bashkëpunim me një kompani nga Shqipëria, e cila ka realizuar edhe klipin e këngës që ka bashkë me Zajminen.