Sadakaja/Lëmosha

Sadakaja/Lëmosha


1. Të ketë për qëllim me dhënien e sadakasë vetëm razin e All-llahut të Lartësuar.


2. Të japë sadaka prej pasurisë (mallit) të cilën e don më së shumti dhe e cila është më e mira, sipas hadithit: “Kush jep sadaka së paku edhe një hurmë të cilën e ka fituar me hallall, se All-llahu nuk pranon përveç se të pastërtës (të mirën). Atë All-llahu e pranon me të djathtën pastaj e rritë sikur që e rritë ndonjëri prej jush mazën e tij, derisa të bëhet (hurmja të cilën e ka dhënë sadaka) sa një kodër”. (Transmetojnë Buhariu dhe Muslimi).



3. Ta fshehë atë që e jep sadaka (apo më mirë mos ta publikojë atë), sipas hadithit: “(Shtatë grupe All-llahu do t'i vendosë nën hijen e Arshit të Vet... e në ato shtatë grupe është edhe grupi i atyre që ndajnë sadaka (lëmoshë) duke thënë... dhe një njeri i cili ka dhënë sadaka dhe e ka fshehur atë derisa mos ta dijë dora e majtë se çka dha dora e djathtë”. (Transmetojnë Buhariu dhe Muslimi).



4. T'ua shpërndajë sadakanë të afërmve të tij dhe atyre që kanë nevojë për te.


5. Të zgjedh kohën më të përshtatshme për dhënien e sadakasë në të cilën All-llahu e dyfishon shpërblimin e punëve të mira, siç është muaji i agjërimit.

AbdulHamid Suhejban